Kusimama imara kwa Waislamu ndio siri ya mafanikio ya Muqawama

Kwa mujibu wa mwandishi wa Shirika la Habari la Hawza kutoka Mashhad, Hujjatul-Islam Sheikh Hussein Al-Nouri, mhadhiri wa Chuo Kikuu cha Baghdad na mshauri wa kitamaduni wa Waziri Mkuu wa Iraq, Jumatano tarehe 24 December, katika kongamano la kwanza la kimataifa la “Shahidi Sayyid Hassan Nasrallah; Alama ya Muqawama na Umahiri wa Uongozi” lililofanyika katika Chuo Kikuu cha Sayansi za Kiislamu cha Razavi, huku akisisitiza umuhimu wa Muqawama wa Kiislamu na kusimama imara katika njia ya haki, alisema: Muqawama wa wananchi wa Palestina na wa nchi nyingine za Kiislamu ni ushahidi wa uthabiti wa watu wakuu waliotembea katika njia hii, uthabiti ambao kamwe hautapotea wala kukanyagwa.

Alimtaja Shahidi Sayyid Hassan Nasrullah kuwa miongoni mwa sura mashuhuri zaidi za Muqawama huu, na akaongeza kusema: siri ya mafanikio ya njia hii ni kusimama imara kwa pande zote kwa Waislamu, hususan viongozi wa Kiislamu.

Mhadhiri wa Chuo Kikuu cha Baghdad pia alisisitiza kuwa: kuandaliwa kwa makongamano ya aina hii kwa lengo la kuwaheshimu watu wa Muqawama na kutambulisha mifano ya uongozi yenye kuhamasisha ni jambo la lazima.

Hujjatul-Islam Sheikh Al-Nouri aliendelea kusema: njia ya Muqawama na kusimama imara dhidi ya maadui wa Mwenyezi Mungu, maadui wa Uislamu na wapinzani wa njia ya haki, ni sunna iliyoanzishwa na Manabii wa Mwenyezi Mungu. Njia hii ilirithiwa kutoka kwa Mtume Mtukufu wa Uislamu, Imam Ali (a.s) na viongozi wengine wa kidini, na katika historia ilijitokeza kwa ukamilifu zaidi kupitia harakati kubwa ya Imam Hussein (a.s).

Akiashiria kujitolea kwa Imam Hussein (a.s), alisema: Muqawama na misimamo yote ya kihistoria ni mwangaza mdogo tu wa harakati hii kuu, kwa sababu Imam Hussein (a.s) alijitoa mhanga yeye, mali yake na watu wa familia yake katika njia ya kuhifadhi maadili ya kidini na Kiislamu.

Mshauri wa kitamaduni wa Waziri Mkuu wa Iraq alibainisha kuwa: Shahidi Sayyid Hassan Nasrullah pia anatokana na ukoo mtukufu wa Ahlul-Bayt na familia adhimu, na ameirithi roho ya Muqawama na kusimama imara.

Hujjatul-Islam Sheikh Al-Nouri aliongeza kuwa: makongamano haya, sambamba na kuwaheshimu watu wa Muqawama, pia kuhuisha kumbukumbu na hadhi ya Kiongozi Mkuu wa Mapinduzi ya Kiislamu pamoja na Imam Khomeini (r.a), na huvifahamisha vizazi vijavyo umuhimu wa kusimama imara katika njia ya haki na misingi ya Kiislamu.